အချိန်တစ်ခုတော့ယူရလိမ့်မယ်။

    ကျွန်တော်၏တိုက်ခန်းသည် အပေါ်ဆုံးထပ်တွင်ဖြစ်သည်။ မိဘနှင့်အစ်ကိုတွေ၏စောင့်မမှုကြောင့် ပိုင်ဆိုင်ထားသောဤတိုက်ခန်းလေးကို ကျွန်တော်အလွန်နှစ်သက်သည်။ အပေါ်ဆုံးထပ်မို့တက်ရတာ မောတာ လေးပဲရှိသည်။ အပေါ်ရောက်သွားလျှင် ၀ရံတာလေးကို ကျွန်တော်အရင်ထွက်လိုက်သည်။ ၎င်းင်းဘက်တွင် အခြားသောတိုက်မရှိသေးပေး။ (အခုတော့ဆောက်နေကြပြီ။) ထို့အပြင် လုံးချင်း အိမ်ရာအသစ်ဆောက်ရန် တော်တော်ကျယ်ဝန်းသော မြေကွက်လပ်ကြီးရှိရာ ကျွန်တော်သည်လေကိုဝအောင်ရှုလိုက်ပြီး မျှော်မဆုံးသော ရှု့ခင်းကိုကြည့်လိုက်သည်။ ရှု့မငြီးသော မြင်ကွင်းအပြင် လေးဆူဓါတ်ပုံ ရွှေတိဂုံစေတီတော်၊ ကျိုက်္ကဆံစေတီတော်  နှင့် ကျိုက်ဒေးယုံစေတီတော် (အာနန်္ဒာစေတီ) စသည့် စေတီ ၃ ဆူကို တွေ့မြင်ရလေသည်။ ကျွန်တော်တို့ တိုက်ခန်းလေးသည် အိမ်နောက်ဖေး မီးဖိုဘက်တွင်၌လည်း အထပ်နိမ့် မူလတန်းတိုက်ကျောင်းလေးပဲရှိရာ လေပြေလေညင်းများမှာ တိုက်ချင်တိုင်းတိုက်နေလေတော့သည်။
    အိမ်ခန်းဖွဲ့စည်းပုံမှာ ယနေ့ခေတ် ကန်ထရိုက်တိုက်များလို ဟောပုံစံ ရှည်လမျောကြီးမဟုတ်ဘဲ အခန်းဖွဲ့ပြီးသားဖြစ်လေသည်။ ဧည့်ခန်း၊ မာစတာ အိပ်ခန်း၊ မီးဖိုချောင်၊ အပိုရေချိုးခန်းရေအိမ်တို့အပြင်၊ အိပ်ခန်းတစ်ခန်းထပ်ရှိသေးရာ ကျွန်တော်တို့အဖို့ ၎င်းင်းတိုက်ခန်းလေးမှာ ကျယ်လို့ပင်နေပါသေးသည်။ ထို့ အပြင် ဘုရားခန်းကိုပင် သီးသန့်အခန်းဖြင့်ထားနိုင်ရန် အိမ်ဦးခန်းတစ်ခန်းပါရှိသေးသည်။ စသည့်အချက်များ ကြောင့် ကျွန်တော်အလွန်နှစ်သက်သော အနှီတိုက်ခန်းလေးသည် ယခုအခါ ကျွန်တော်၏အိမ်ပြန်ချိန်များကို ဆိတ်သုန်း စေပြီ။
    အကြောင်းကား ၂၀၀၈ မေ ၂-၃ တွင်တိုက်ခတ်သွားသော နာဂစ်ဆိုင်ကလုန်းလေမုန်းတိုင်းကြီး ကြောင့်ပင်ဖြစ်သည်။ ထိုနေ့ညကား တစ်ညလုံးတစ်မှေးမှမအိပ်လိုက်ရသော ကျွန်တော်နှင့် ကျွန်တော့် အလစ်တွင်ခိုးခိုး ပြီးတစ်မှေးလောက်ရအောင်အိပ်လိုက်သေးသည့် ကျွန်တော်၏ဇနီးတို့သည် အသက်ကိုဖတ်နှင့် ထုပ်ကာနေလျှက်ရှိကြသည်။ အောက်ထပ်များကတော့ ဒီလောက်ဖြစ်လိမ့်မည်ဟုကျွန်တော်မထင်ပါ။ ကျွန်တော်တို့မှာက အပေါ်ဆုံးထပ်ကလည်းဖြစ်ပြန်၊ ဘေးနှစ်ဖက်တွင်လည်း လုံးဝဟင်းလင်းပြင် အကာအကွယ်တိုက်မရှိ၊ ကြမ်းလိုက်တဲ့လေဆိုတာကလည်း ခေါင်မိုးပေါ်ကသွပ်တွေကို ဘီလူးတွေ ဘောလုံးကွင်းများလုပ်ထားသလား၊  သွပ်တွေလန်ကုန်ပြီလား၊ ထုတ်တန်းတွေကကျိုးကျလာမှာလား၊ ဘာတွေ ဆက်ဖြစ်မှာလဲ၊ ကြောက်လွန်းလို့ အပေါ့တွေလည်းတကယ့်ကို တစ်နာရီခြားတစ်ခါသွားနေပြီ။ နှလုံးပဲ အားနည်းလို့လား၊ သည်းခြေပဲအားနည်းသလား လူကသွေးပျက်ခါ Z Z တုန်နေပြီဖြစ်သည်။ (ဆတ်ဆတ်တုန်တာမဟုတ်ဘူး)။ မနက်လေးနာရီမှာ အနည်းငယ်အားတက်လာသည်။ သြော် အရင်ဆို လေးခွဲ ဆို ဘုရားထရှိခိုးတဲ့အချိန်ပဲ။ အာရုံလာတော့မှာပဲ။ လင်းရောင်ခြည်လာချိန်မှာ အားတက်မလားကြံတယ် --- လေက ပို၍ကြမ်းလာသည်။ သမ်္ဗုဒေ်္ဓ နှင့် ၂၄ ပစ်္စည်း ရွတ်တာ ဘယ်နှစ်ခေါက်မှန်းပင်မသိတော့။
    မနက်လင်းချိန်မှာ ဘယ်တိုက်က သွပ်ဘယ်နှစ်ချပ်လန်နေပြီဟု ကြည့်နေစဉ်မှာပင် ဟိုး ခပ်လှမ်းလှမ်း ကတိုက် သွပ်အချပ် ၂၀ လောက် တစ်ပလိပ်တည်း လွင့်ထွက်သွားတာ မျက်လုံးထဲကပင်မထွက်။ တစ်ချက် တစ်ချက် တိုက်ပင်တုန်နေသည်မို့ ဇနီးသည်ကို အရေးကြီးသည်များ ကျောပိုးအိပ်ထဲစုထည့်ခိုင်းထား ရသည်။ တိုက်အောက်တွင်ရပ်ထားသော ကားမှာ အခြေအနေမှကောင်းပါလေစဟု ထွက်ကြည့်တော့ ဘာမှပင်မဖြစ်၍ စိတ်အေးသွားရသည်။ နှစ်ချက်ပဲကျန်တယ်။ အိမ်ခေါင်းမိုး သွပ်လန်မလန်နှင့် သင်တန်းရောဘေးကင်းမကင်း။  တစ်ခြားသူတွေအတွက်လည်းစိတ်ပူပါတယ်။ ပါးစပ်ကလည်း သတ်္တ၀ါတွေ ကျန်းမာကြပါစေ ရွတ်နေတာ။  မုန်တိုင်းကဒီညထိဆက်ရင်ဘယ်လိုလုပ်မလဲ။ ဒီမှာမနေရဲတော့ဘူး။ မိဘအိမ်ကိုပြေးဖို့ အောက်တောင်မဆင်းရဲ။ နံနက် ၁၀း၃၀ မှာ ကျွန်တော်အိပ်ပျော်သွားသည်။ ၁၂း၃၀ မှာ မိုးစဲသွားပြီဟု ဇနီးသည်ကနှိုးတော့ နှစ်ယောက် သား အိမ်ကိုသေချာပိတ်၍ ကားဖြင့် မိဘတွေရှိရာ ယုဇနဥယျာဉ်မြို့တော်သို့ထွက်ခဲ့ကြရာ - -
    ဟာ - ဟင် - မိမိတို့အိမ်သွပ်တစ်ချပ်မှမလန်သော်လည်း ဤမျှလောက်ပင်ဖြစ်သွားသလားဆိုတာကို တော့ အပြင်ထွက်ကြည့်မှပင်သိပါတော့သည်။ ဒီလမ်းကျတော့လည်း သစ်ပင်ကြီးတွေလဲပြိုနေလို့၊ ဟိုလမ်းကျ တော့လည်း ရေကြီးနေလို့နှင့် ကျွန်တော်တို့ တော်တော်လေး ကွေ့ပတ်ကာရှောင်မောင်းခဲ့ရသည်။ တောင်ဒဂုံ စက်မှုဇုန်ကိုရောက်တော့ လမ်းမသည်ရေလွှမ်းနေပြန်သည်။ ဒါကိုကျော်ရင် ရောက်ပြီဟုသောအသိနှင့် ရေထဲ ဖြတ်မောင်းမိလိုက်တာမှားမှန်း ကားထိုးရပ်သွားမှသိသည်။ ဖြတ်သွားသမျှလူတွေက ကူညီကြသော်လည်း ကားသည်ပြန်၍နိုးမလာတော့။ ကျွန်ုပ်တို့လင်မယား၏မျက်နှာသည်ကား ဇီးရွက်သာသာရှိတော့သည်။ ဖုန်းတွေ ကလည်း ဆက်၍မရ။ လေကထက်ကြမ်းလာမူဘယ်လိုလုပ်ရမလဲ။ တော်သေးသည်။ ကူညီကြသောသူများထဲမှ တစ်ဦးသည် ကားကိုနိုးအောင်နှိုးပေးနိုင်ခဲ့သည်။ သို့သော် ကားက ညက်ညောမှုမရှိသောအသံဖြင့်သွားနေသည်။ ဂီယာထိုးရင်ပိုဆိုးသည်။ နောက်မှသိရသည်ကား ဂီယာဘောက်စ်ထဲရေ၀င်သွား၍ဖြစ်သည်။
    ယုဇနဥယျာဉ်၏အ၀င်လမ်းဖြစ်သော ပဲခူးမြစ်လမ်းရှိ ဓါတ်တိုင်များက ကားလမ်းပေါ် တိုင်စေ့လဲနေကြ သောကြောင့် မနည်းရှောင်မောင်းလာရ၏။ မိဘတွေဆီရောက်တော့ ငြိမ်းချမ်းပြီမို့ ၀မ်းက ဟာလာမှန်းသိတော့ သည်။ ရှိတာလေးနှင့်ထမင်းစားပြီးသောအခါ ကားငှား၍ YOUTH သင်တန်းကို လာကြည့်၏။ လမ်းတစ် လျှောက်အပျက်အစီးများကိုကြည့်မှ သြော် ကိုယ့်ခံစားရတဲ့ ဒုက်္ခကဘာမှမရှိမှန်းသိရသည်။ သင်တန်းရောက် တော့ သင်တန်းလည်း အတိအလင်းဘေးကင်းတာကိုတွေ့ရ၍စိတ်သက်သာရာရသွားသည်။ ဤသို့နှင့်ပင် ကျွန်ုပ်တို့ မကြုံတွေ့ဖူးသော၊ မထင်မိသော နာဂစ်မုန်တိုင်းကြီးမှာ တစ်ကယ့် ဖျက်အားပြင်းမုန်တိုင်းကြီးမှန်း  နောက်မှသိရလေတော့သည်။
    ကျွန်ုပ်သည် ယခုစာရေးနေသည့်အချိန်အထိ ညနေမိုးတွေညိုလာလျှင် စိတ်တွေကယောင်ချောက်ခြား ဖြစ်လာသလိုရှိ၏။ တိုက်ခန်း၌နေစဉ်ကာလမှာလည်း လေတိုက်လို့ သွပ်တွေကအသံမည်လာလျှင် အချိန်မဆိုင်း ဒုန်းဆိုင်းပင် မိဘတွေဆီပြေး၏။ ကျွန်ုပ်တို့နေထိုင်ရာ သင်္ဃန်းကျွန်းနှင့် ယုဇနဥယျာဉ်မြို့တော်သည်ကား အိမ်ဦးနှင့်ကြမ်းပြင်ပမာရှိလေပြီ။ ခုတော့ အလုပ်ကနေ အိမ်ပြန်ရာညနေတိုင်းသည်မသာယာတော့ပြီ။ ကျွန်ုပ် နှစ်သက်သော တိုက်ခန်းလေးသည် စိတ်ထဲတွင်ခြောက်ခြားဖွယ်ဖြစ်လေပြီ။ အိမ်မှာအိပ်သည့်ညတိုင်းတွင် ကျွန်တော်သည်နှစ်ခြိုက်စွာအိပ်ခြင်းကင်းလေပြီ။ ဘာပဲဖြစ်ဖြစ် အချိန်တစ်ခုတော့ပြန်ယူရဦးမည်ဖြစ်သည်။